Helleren ligg i ein ca. 10 m høg og 25 m brei hammar. Helleropninga ligg midt i hammaren. Veggene er nokså rette, men helleren smalnar av innover. Taket i helleren går i to avsatsar. Helleren er 4,5 m br., 3 m djup og 3 m høg. Hellergolvet ligg 6-8 m.o.h. (avlese på ØK-kart). Skråninga frammanfor opninga er grasvaksen og nærast helleren veks ein god del brennesle. Heile hellergolvet er dekka av eit svart kolhaldeg kulturlag. Under registreringa vart det teke 3 prøvestikk, det djupaste gjekk ned til 50 cm, utan at botnen av kulturlaget var nådd. I prøvestikka vart det funne ett fragment av flint og 48 beinfragment og blåskjell og albogeskjell.