Sist brukte bjørnehi i Vest-Agder. Det er eit stort rom under eit samansurium av steinblokker. Bjørnen som låg her, blei skoten våren 1910 i Ausdalsdalen i Sirdal.

Det hiet som er blitt kartfesta og fotografert i Torfinn Normann Hageland: «Heieliv i Hekkfjeddet» (2021) s. 192 og 209, låg 140 m lenger ute i dalen, men det er ikkje det rette bjørnehiet, endå om det er der det står trykt namnet Bjødnehi på kartet. Det feilaktige bjørnehiet er dessutan blitt øydelagt av skred.