Bautasteinen fk. 1/1 står i hagen på bnr. 11, rett NV for gjerdet mot bnr. 86, ca. 10 m SV for vegen. Han er ca. 2,30 m høg, 0,60 m brei og 0,20 m tjukk. Bautasteinen smalnar av i ein spiss mot toppen. Øvste delen er avbroten og murt på att. Bautasteinen fk. 1/2 står på andre sida av gjerdet på bnr. 86, ca. 3,5 m frå fk. 1/1. Han er opp til 1,90 m høg, 0,80 m brei og 0,25 m tjukk. Han smalnar noko mot toppen og er elles noko mosegrodd. Steinen er i dag brukt som støtte for ein rosebusk.